مبادينا عزاز وطيبنا وافعالنا تمنك

مبادينا عزاز وطيبنا وافعالنا تمنك

طوارينا تعز وترفع اسمك مع هل الشاني

سوى حنا واثرك اللي سوى من عادتك تشحنك

كلام طوال اللاسن ماقصر بطوال الايماني

تراقبنا على قل اعتبارك مادرانا عنك

ولو الله عطانا بالعمر كثره عمر ثاني

ابونا مات في ذروة كرمه ولاورثنا فرنك

كرمه مبين الله يرحمه في بطون جيراني

مانحسب للحساب اللي يجينا في رصيد البنك

وش القيمه من الدنيا ليا صار العمر فاني

صحيح انه يجي من عقب ماياخذ بحقه منك

ولاكنه يروح في بياض الوجه مجاني

ياراسي لاتكل من التعب في حزن من حزنك

لاصار متونك جبال اعتلتها بشوت جداني

يمر الضيق ماغير من افكارك ومن معدنك

واقول اللي مضى جعله يكون من اخر احزاني

يقولون العرب من لا يعرفك زين ماثمنك

وانا اقول المعرْفه بعضها لاحي يالايحاني

احب ادنى رفيقٍ تذخره فالشده مع ايمنك

والا اداني عديم العرف لو من عرقي الداني

لقيت اكثر مداوير الزعامه في حراك وظنك

ودايع في صناديق الامريكي والبريطاني